x
Одоб ва аҳкоми иди Фитр

Бисмиллоҳ ассалоту вассалому ало расулиллоҳ ва ало олиҳи ва асҳобиҳи ва ман волоҳ

Бародарону хоҳарони азиз! Инак мо дар остонаи падруд гуфтан бо моҳи мубораки рамазон қарор дорем. Моҳе, ки мактаби омузиш ва парвариш аст ва инсон дар ин моҳ худашро бо тарк кардани аз ҳаромҳо ва руза доштани рузҳояшу қиёми шабҳояш парвариш медиҳад.

Инак дар остонаи видоъ бо ин моҳи муборак қарор дорем. Рамазон меравад, вале аз мо мусалмонон хоҳиши онро дорад, ки рамазонпараст набошем, балки Худопараст бошем. Агар рамазон меравад, пас бидонем, ки Худои якто ҳамеша бо мост ва ҳаргиз аз мо то дами марг ҷудо нест. Пас биёед Худопараст бошем.

Дар ин рузҳои охири рамазон ва фарорасии иди саиди фитр ҳама бародаронро табрик ва таҳният гуфта, хоҳони онам, ки он чи дар рамазон ба даст овардем баъд аз рамазон онро аз даст надиҳем ва ҳамеша ва дар ҳарҷову макон бо ёду зикри Худо бошем.

Бародарону хоҳарон дар остонаи фарорасии иди Саиди Фитр мехостам ҳамагонро ба якчанд одобу аҳкоми ин рузи саид ошно кунам:

1      Пеш азоне, ки шахси рузадор барои адои намози ид биравад, закоти фирро ба муҳтоҷони мусалмон диҳад. Аз ҳама миқдори ками закоти фитр ин дар айни замон 5 сомни аст нархи 2,5кл кандум аст. Агар шахси рузадор ғани (бой) ё минаҳол бошад, аз ин миқдор зиёдтар бидиҳад 15с ё 50с афзал ва беҳтар аст.

Сардори хона метавонад аз ҷониби ҳаряк фарди хонадони худ (хурду калон) 5 сомони ё зиёдтар ҳисоб карда ба муҳтоҷону камбағалон диҳад. Закоти фитр бояд пеш аз намози ид дода шавад. Агар чанд руз пеш аз рузи ид диҳад ҷоиз аст. Агар дар ватан набошад, ихтиёр дорад закоти фитрро дар ҳамон маконе, ки қарор дорад бидиҳад ё касеро вақил кунад дар ватан аз номи у диҳанд.

2     Дар рузи саиди ид руза гирифтан ҳаром мебошад. Дар ин замина ривояте ҳаст, ки ҳангоми ид ҳазрати Умар (разияллоҳу анҳу) ба минбар баромада дар хутбааш гуфт: “Эй мардумон бидонед, ки Паёмбари Худо (алайҳиссалом) аз руза гирифтани дар ду ид наҳй намуданд; аммо аввалӣ рузи шикастани рузаатон аст ва дуввумӣ рузест, ки дар он қурбониҳоятонро мехуред”. (ривояти Бухорӣ).

3      Дар шаби ид мустаҳаб аст, ки бисёр такбир ва зикри Худо гуфта шавад. Худованд фармудааст: “ва то шумораи (муқаррарро) комил кунед ва Худоро ба хотири он, ки ҳидоятатон кардааст ба бузургӣ биситоед ва бошад, ки шукргузорӣ кунед”. (Бақара/185). Гуфтани такбир аз ғуруби офтоби рузи охирини руза шуруъ мешавад ва то намози ид идома меёбад. Тариқаи гуфтани такбир чунин аст: “аллоҳу акбар, аллоҳу акбар, ло илоҳа иллаллоҳу аллоҳу акбар, аллоҳу акбару ва лиллоҳил ҳамд”. Мустаҳаб аст, ки ин такбир баъди намозҳои фарзӣ се бор гуфта шавад.

4     Ғусл кардан ва пушидани беҳтарин либос ва хушбуӣ кардан дар субҳи ид мустаҳаб аст. Дар ин замина омадааст, ки ҳазрати ибни Умар (разияллоҳу анҳу) ки дар пайравии суннат маъруф буд чунин мекарданд.

5    Пеш аз рафтан ба намозгоҳ суннат аст, ки чизе ифтор кунад ва беҳтар хурдани хурмо аст. Дар ин замина ривояте аст, ки ҳазрати Анас (разияллоҳу анҳу) гуфтанд: “Паёмбари Худо (алайҳиссалом) субҳи рузи иди Фитр ҷуз хурмо чизе намехурданд”. (ривояти Бухорӣ).

6     Пиёда рафтан ба намозгоҳ мустаҳаб аст. Аз ҳазрати Алӣ (разияллоҳу анҳу) нақласт, ки фармуданд: “Суннат аст, ки барои ид пиёда хориҷ шавӣ ва қабл аз хориҷ шудан чизе тановул намоӣ”. (ривояти Тирмизӣ). 

7    Табрик гуфтан ва шодбош гуфтани бародарони исломӣ дар рузи ид хуб аст. Ба далели ҳадиси Абуимомаи Боҳилӣ (разияллоҳу анҳу), ки ҳангоми бозгашт аз намози ид ба якдигар мегуфтанд: (Худованд аз мову шумо қабул кунад). (ривояти имом Аҳмад).

 Ин баъзе одобу аҳкоми ид буд, ки мухтасаран ба шумо баён доштем. Хушо ба ҳоли касоне, ки рамазонро ғанимат шумурда дар ин моҳи пурфайз барои ибодату бандагии Худо камар бастанд ва дар ин рузҳои гарми тобистон ба азоби ташнагию гуруснагӣ нигоҳ накарда бандагии Аллоҳро карданд.

 Худованд то рамазони оянда ҳамаи шуморо нигаҳбон бошад ва дар ин рузҳои муборак бародарони мусалмони худро, ки дар гушаву канори дунё мавриди қатлу азобу шиканҷа ҳастанд дар ҳаққашон дуои нек кунед, ки Худованд бар болои душманони ислом пирузашон кунад ва парчами исломро дар тамоми дунё партавафшон бикунад. Идатон муборак бод! Худованд тооти мову шуморо қабул фармояд! Омин

Таъли намоз ва хутбаи  Иди фаитр

Пурсиш :Намрози ид воҷиб аст ё суннат ?

Посух :Намози ид воҷиб аст. Ба хар касе, ки намози ҷумъа воҷиб аст, намози идҳам воҷиб мебошад. Ва ҳамон шартҳое, ки барои намози ҷумъа лозим буданд барои намози идҳам лозим хастанд. Албатта хутба дар идайн фарз нест  ва пеш аз намоз хонда намешавад, хондани он баъд аз намоз суннат аст.

Пурсиш :Намози ид чанд ракаат  аст? ва чи гуна хонда мешавад?

Посух :Намози ид дуракаъат аст ва ба шарҳи зер хонда мешавад :

Барои намози ида азон ва такбир лозим нест.

Пеш аз хондани намоз чунин ният кунад, ки намози воҷиби фитрро бо шаш такбири зоида пушти сари имом адо мекунам  (шарт нест бо забон талаффуз кунад бо қабл ин ниятро кунад қофи аст). Онгоҳ такбир гуфта, дастҳоро бандад ва “СУБҲОНАКАЛЛОҲУМА....”ро бихонад. Сипас дастро баланд карда такбир гӯяд ва дастҳоро раҳо кунад. Бори дуввум  дастҳоро баланд карда ва такбир бигӯяд ва дастҳоро раҳо кунад. Бори саввумниз дастҳоро тогӯшҳо баланд карда,  такбир гӯяд ва сипас дастҳоро бибандад.

Онгоҳ имом таъвиз, тасмия, сураи фотиҳаро бо ҳамроҳи сурае дигаре хонда, рукӯъ кунад. Ҳангоме, ки барои ракаати дуввум баланд шавад , нахуст қироат бихонад ва чун аз қироат фориғ шавад, дастҳоро то гӯшҳо баланд карда, такбир гӯядва дастҳоро раҳо созад, бори дуввум ва саввум низ чунин кунад, бори чаҳорум такбир гуфта барукӯъ равад ва барҳасби маъмул , намозро ба поён бирасонад. Дар хотима имом баланд шавад ва хутба бихонад ва ҳама мардум хомӯш бинишинанд ва ба хутба гӯш диҳанд.

Дар идайн низ, ду хутба вуҷуд дорад ва дар миёни ҳарду нишастан суннат аст.

 

Хутбаи иди Фитр

Хутбаи аввал

Аллоҳу акбар Аллоҳу акбар лоилоҳа иллаллоҳу валлоҳу акбар Аллоҳу акбару ва лиллоҳил ҳамд. Субҳона ман акрамано байнал аноми би сиёми шаҳри рамазон. Аллоҳу акбар Аллоҳу акбар лоилоҳа иллаллоҳу валлоҳу акбар Аллоҳу акбару ва лиллоҳил ҳамд.субҳона ман фатаҳа алассоимина абвобарраҳмати ба духули шаҳри рамазон. Ва авҷаба ало нафсиҳи ҷазоа сиёмиҳим фи шаҳри рамазон. Ва ваъада алассоимин алқоимина биддухули вал хулуди фи ғурафил ҷинон. Камо қола набиюно набию охируззамон “ Инна фил ҷаннати бобан юқола лаҳу раййон ло ядхулуҳу илло ассоимуна фи шаҳри рамазон” Аллоҳу акбар Аллоҳу акбар лоилоҳа иллаллоҳу валлоҳу акбар Аллоҳу акбару ва лиллоҳил ҳамр. Ва нашҳаду алло илоҳа илаллоҳу ваҳдаҳу лошарика лаҳ алмалик алманнон. Ва нашҳаду анна Муҳаммадан абдуҳу ва расулуҳ саллаллоҳу алайҳи ва ало олиҳи ва асҳобиҳ салотан мусилатан ило дорил ҷинон.

Аммо баъд: иъламу анна ҳозаш шаҳр шаҳрун шариф ва ъидун латиф лил хавоси вал авом ва ъаззиму ҳозал аййом бил инъом вал иҳсон ва исолулу арҳоми ва итъомуттаъом алҷиъон. Боракаллҳу ли ва лакум ва ли соирил муслимина мо фил Қурон.

Хутбаи дуввум

Алҳамдулиллоҳ ассалому вассалому ало расулиллоҳ ва ало олиҳи ва асҳобиҳи ва ман волоҳ.

Аммо баъд акриму ҳозал явм битташӯҳлили ва тасбиҳи ва тиловатил Қурон. Ва фил хабар “ман сома рамазона ва саллал ида фақад ҳаррамаллоҳу ҷасадаҳу аланнор”.

 

Мудирияти сомона

  • img
    Шаби қадр
    Дар ин, ки шаби қадр дар моҳи мубораки рамазон аст, шакку тардиде нест. Зеро аз ҷамьи оёти Қурьон ҳамин маьно мафҳум мешавад. Чаро ки Қурьон дар сураи «Бақара» ояти 185...
  • img
    Мадрасаи Рамазон
    Дар даврони ҳукмати шуравӣ ҳамин ки моҳи мубораки рамазон наздик мешуд таблиғоти зидди рамазони ва ҷанги алайҳи руза низ шуруъ мешуд.
  • img
    Моҳи Рамазонро ғанимат шумор!
    Бародарон ва хоҳарони мусалмон! Рамазони дигаре аз роҳ мерасад. Моҳе, ки ба хотири хусусиятҳои худ бар ҳамаи моҳҳои сол бартарӣ дорад.
  • img
    ҶОЙГОҲИ ЗАН ДАР ИСЛОМ

    МУАРРИФИИ КИТОБ

    <...
  • img
    МАРГ ДАР МЕЗАНАД

    Инсон аз марг мегурезад ва чун бемор шавад аз тарси он, ки мабодо бимирад, дарҳол худро муолиҷа мекунад. Ҷое, ки эҳсос мекунад буи марг меояд, он ...

  • img
    Ҳукми ампул назди ҷумҳур

    Мо дар ин рисолаи кучак тасмим гирифтем баҳси масъалаи мазкурро ба чунин мундариҷоти мухтасар...

dua
Quran
Васл шудан
ВАҚТИ НАМОЗ

Дар Душанбе

 
Дигар шаҳр?

соати маҳалӣ
СУБҲ
ТУЛУЪ
ПЕШИН
АСР
ШОМ
ХУФТАН
КОНВЕРТЕР ДАТ
Сол  (Мисол, 2005)

Моҳ  (Мисол, 07)

Рӯз  (Мисол, 25)

Ба мелодӣ
Аз Ҳиҷрӣ

© 2010-2014. Ҳама ҳуқуқҳо маҳфузанд. Дар ҳоли истифода аз сомона дар шабакаи Интернет ва ғайра таъкид ба www.turajon.org ҳатмист.